Archives

All posts for the month December, 2011

امثال

Published December 26, 2011 by Dalia Hazem

Image

أمثال
———
طول عمرنا بنطبق “الأمثال”
بالحرف بننفذ كل اللي في الحكايات اتقال
فجأة الكتاب اتغير علشان خاطر العزيز
علشان يقعد متسلطن و غيره يُصُد في متاريس
“طبًخها” مع اللي بعده علشان نروح فِطِيس

“طباخ السم بيدوقه”
و دة قال: مليش مزاج
جت ع “المثل” ده هو.. فعمل جاله ارتجاج
صٍعٍب ع “الطباخين” .. و قالوا: “دة في احتياج
لشوية عِز يا إخوانا .. دة برضو كان العزيز “
و عزيز القُوم -و إن ذَل- ما يطيقشِ لا لوم و لا ذُل

و عشان كدة يا حضرات
هنراجع ع اللي فات
اللي اتقال في الحكايات
و هنركز بالذات
ع كل ما له علاقة بالبهوات و الباشوات
اللي بنوا الإقطاعيات
مش بس النهاردة .. لأ في الزمن اللي فات

و نقول لكل القُوم .. قبل يا يغرقوا في النوم
“أكرموا عزيز قوم ذَل .. و ذِلوا أهل اللي عمره ما داق غير ذُل”

داليا حازم
24/26 – 12 – 2011

 

Advertisements
%d bloggers like this: